BB出世後，小朋友成日扭計，甚至突然夜醒爆喊
試想像有一日，你嘅另一半同你講：
「老婆，你實在太好嘞，我真係好愛你！所以，我決定娶多個好似你咁好嘅老婆返屋企，令屋企熱鬧啲，你又可以多個伴 」
你會有乜嘢反應呢？
「佢初來甫到，我要陪佢熟習環境，你自己搵嘢做啦！」
你會點諗？
然後，你嘅另一半拎咗你嘅衫褲鞋襪，仲有各種首飾送畀佢新嘅老婆。當你提出抗議，佢話你都唔啱用，唔好咁自私，要分享。
你又有乜嘢感受呢？
以上，係Siblings Without Rivalry一書內，作者所作出嘅比喻。
本來喺屋企萬千寵愛在一身，地位突然受到威脅，自然會覺得唔高興，就算表面上好似冇乜嘢咁...
於是，好多小朋友都會出現情緒問題，甚至有行為倒退嘅情況。
如果處理不當，甚至會令小朋友對BB形成敵對心態 -- 妒忌、爭寵、嘈交、打交，每日不斷上演
應該點樣處理呢？點至能夠令小朋友唔會覺得媽咪被BB搶走咗？點樣可以令兩個小朋友和平共處，相親相愛？
作為父母，你嘅態度，以及處理紛爭嘅方式，對小朋友有絕對嘅影響！
自小為囝囝囡囡之間培養良好關係，當發生爭執時，亦更容易解決。
喺《如何令孩子相親相愛》webinar，我將書中內容，配合 RIE育兒法 嘅理念，以及作為 孖仔媽媽 嘅經驗，同大家講解：
你必須做好的環境及心理準備
何時要開始做準備？如何跟孩子對話？
避免孩子互相妒忌及爭寵的重點
處理手足紛爭的方式
講座完結後，設有Q&A時段
