夢想與現實

早幾日做電話諮詢時，媽媽話睇書教先分床後分房，於是揀咗張小童床畀囝囝。

結果，張小童床畀咗爸爸瞓

先分床唔係唔啱，但單單買張床畀小朋友，就期望佢會瞓自己張床，係unrealistic expectation...

因為如果小朋友仍然可以由小童床輕易爬上大人床，甚至可以碌到過去，咁小童床只係大人床嘅延伸呀～

所以，如果仍然同房但想分床，必須先同小朋友講好，佢要留喺自己張床度。

冇床欄分隔，大人就要成為個boundary，清晰設限。

當然，唔容易呀（如果唔係當初應該就唔會畀小朋友瞓大人床 ）

呢個時候，必須先減低小朋友想爬上大人床嘅意欲。

其實好簡單，大人坐喺小朋友床邊／床尾陪住佢，小朋友自然會比較願意留喺自己張床度。

但呢個做法比較困難嘅係，當小朋友夜醒搵人，大人要去返小朋友張床陪住等佢瞓返。

如果想偷懶留喺自然被窩，小朋友就會爬埋上嚟。

有冇其他舒服啲嘅做法？

有呀，［如果停止跟幼兒同床］90分鐘講座有詳細講解唔同嘅做法～