雨僑Ava分享

雨僑喺上年9月，搵我幫手處理佢囡囡嘅睡眠問題

佢係一位好好學嘅媽咪，願意睇資料去學習，所以我建議佢上 #睡眠調整全面睇 網上課程，瞭解我嘅建議做法。

過咗2個星期之後，Ava分享佢點樣運用 #DolceSleepers獨門心法，成功令佢囡囡由夜晚7點幾瞓到第2朝6點幾，中間餵一次夜奶就已經即刻瞓得返

Ava之後仲好好人幫我錄咗一集podcast，分享更多做睡眠調整嘅心得添（留言有link，而家有文字版嘞！）

早排我哋又傾佢囡囡嘅情況，得到佢嘅同意，同大家分享我哋嘅對話內容

Ava：我以前以為佢永遠都唔會好似其他bb咁瞓，同埋一遇到無法控制嘅情況會panic，例如lock down同sch suspension嗰啲影響咗schedule。但其實嗰啲問題大人都有影響莫講話bb，所以個世界一正常番佢又正常番

（諗返）以前當小朋友瞓得唔好，無論我人生有咩計劃都要將呢件事計算在內，自己一定係冇精神，日間嘅時間我要點安排呢？有朋友約親去主題樂園啦、行山呀呢啲體力活動我以前真係驚我會暈低...

而家就似番個正常人咁生活 佢喺一個我handle到嘅狀態，基本上無令我覺得睡覺問題影響到我生活，個入睡同個夜奶都係好快嘅事！

Cat：好多謝你嘅分享呀 BB/小朋友睡眠情況有上有落係正常嘅事，所以我哋自己嘅心態好重要，點樣去處理唔同嘅情況呢？點樣攞個平衡呢？仲有就係，究竟個情況係咪一個問題呢？係咪可以持續落去呢？有冇需要盡快解決呢？諗清楚呢幾點，個人就會定好多，處理情況時亦有信心好多

Ava：我覺得有一點你提過，而好適合用喺我呢種好想啲嘢跟plan走、同我囡呢種高敏、入睡條件高嘅小朋友家庭身上:

你話條件就係父母俾，佢要唔要瞓就係佢選擇，我覺得呢個真係開始前要有嘅心態。而之後就係我有幾堅定每日俾同一個條件佢，例如頭先同婆婆食母親節飯，準時七點要食完收檔

七點十瞓咗了，香港人，唔係咁容易。

Cat：你講得好啱呀！成日聽到好多媽咪話BB高敏，所以冇乜得攪 希望你嘅分享畀佢哋知道，其實高敏小朋友更加需要規律，同埋媽咪爹哋畀到清晰訊息佢哋，咁至BB能夠安心，大家都輕鬆啲

雨僑曾經分享過嘅其他心得，可以喺呢度睇返：