Bobo媽媽嘅分享

Follow 咗 Dolce Sleepers 一段時間嘅媽咪，都知道我除咗健康睡眠之外，更加 hard sell RIE育兒法

已經開咗專頁差唔多3年，我越嚟越覺得...

想BB瞓得好，唔單止唔能夠淨係睇入睡方式（唔係做睡眠訓練令BB能自行入睡就係好 ）

甚至乎日頭我哋點樣同BB相處，對睡眠都會有好大嘅影響。

RIE創辦人Magda Gerber擅長問一啲好精警嘅問題，以尊重孩子為原則，引導你去思考出最適合你同BB嘅做法。

所以，RIE育兒法嘅特別之處，在於佢冇一套好concrete嘅指引，叫你點做點做。

因為呢套育兒法唔係教你點湊仔，而係教你應該用點樣嘅心態，去照顧BB、同BB溝通，繼而發展出一套屬於你同BB嘅獨特相處模式。

呢個亦係 Dolce Sleepers 嬰幼兒睡眠課程嘅獨特之處，我唔係教家長點樣訓練BB識得自行入睡，而係幫助家長明白點樣去觀察BB嘅情況及需要，協助BB重獲自行入睡呢種天生嘅能力

所以，我成日強調，BB唔係機械人，無論係網上課程或電話諮詢，我都唔會畀一條方程式你，要求你一定要跟住去做。

我嘅希望，係幫到多啲媽咪爹哋能夠正面看待睡眠，做好準備迎接每一個挑戰

係呀，BB情況唔穩定係正常㗎，頭三年BB無論身體定大腦都急促發展，睡眠通常首當其衝受到影響

所以，大人嘅心態，有絕對嘅影響，呢個亦係Dolce Sleepers嘅特點

以下係Bobo媽媽嘅分享：

「其實我一直好想搵個機會同你講感謝。

雖然我無同你電話跟進過，但由BB三個半月開咗睇你嘅course ，跟住你嘅方法一步一步做，都有經歷過ups and downs ，經歷過佢夜醒超級嚴重，亦有好氣餒嘅時候，但慢慢做、堅持做，最重要係你教嘅 RIE育兒法：聆聽孩子、尊重孩子，真係會 令大人同BB都好安心。

有幾個 moment 我覺得好amazing ：

BB三個半月，我聽你嘅0-5個月嘅course，嗰陣時開始我做任何事之前都會同BB講，例如我親餵BB時，轉另一邊餵之前，我同佢講：「BB我哋轉另一邊吖」開頭我講完，我就會輕輕放手指尾喺嘴邊，等佢鬆口，過左幾日，當我講呢句說話時，佢會自己鬆口！我真係覺得好神奇！

而家BB作息都頗穩定，上午同下午各一個nap，夜晚瞓6pm-6am，醒咗平靜愉快，會自己玩15-30分鐘先嗌人。

如果食飽瞓飽，佢可以自己喺playmat 玩到15分鐘，有時我入去陪佢玩一陣，同佢講媽媽去廁所/廚房，佢又可以自己玩多15分鐘，我同先生同褓姆姨姨都覺得佢好乖

而家我嘅心態係，我會有心理準備BB喺唔同月齡會有睡眠倒退，每次當出現咗，我就會重溫你嘅course搵返原因出嚟，用平常心嘅心態面對，感覺好舒服同安心，好似背後有backup 咁。

有啲媽媽朋友話我嘅BB係天使寶寶，其實真係 用啱方法，每個BB都係天使寶寶，而家連我褓姆姨姨都識計清醒時間，佢都覺得得BB好易哄睡，覺得清醒時間好神奇！

整體落嚟，就係好感謝你，好感謝RIE育兒法！」

P.S. 每月專題zoom class

《如何跟BB對話：減少育兒掙扎的竅門》

☆☆☆

嬰幼兒睡眠顧問 Catherine

全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽

網上課程 / 電話諮詢 / 免費資源分享

安全睡眠ABC