從抱睡到自行入睡：睡眠調整一周年的真實分享

每個家庭嘅情況都唔同，雖然最終目標可能都係一樣，但中間嘅路線，只有父母自己至知點行最「好」。

如果你希望能夠喺2-4星期內，令BB自行入睡唔再晚晚夜醒大喊，呢個係可以達到嘅目標。

而如果你希望慢慢嚟，壓力細啲，家人阻力亦低啲，亦可以選擇逐步去做好，唔需要即刻就以自行入睡為目標，BB同大人都一樣可以瞓得好。

作為睡眠顧問，為唔同嘅家庭提供切合情況嘅建議，提供彈性，係最重要嘅一點。

I don't believe in cookie cutter solutions.

多謝Ginny媽媽嘅分享：

「我仔剛19月，上年8月join左「睡眠調整全面睇」，啱啱好一年

由一開始，用左兩星期戒抱睡、戒奶嘴…

變做陪睡，半夜醒咗，大人可以繼續瞓喺張床度，用聲音安撫返佢就得。

最近呢一星期，佢可以自行入睡

呢一年好多謝你不厭其煩解答我嘅問題

過往呢一年，雖然佢都會有夜醒、早醒，但係身為父母／甚至工人姐姐都已經覺得輕鬆好多，多咗free time。

起碼佢醒咗唔使抱住佢瞓（實在太重！）

最大得着係心態嘅轉變，學會點樣尊重BB ，了解佢哋嘅需要。

就算處理夜醒、早醒，都有更好嘅心理質素去面對，同埋體恤佢嘅需要。

另外重要嘅係，面對長輩嘅好多意見，都識得點樣堅持，以BB嘅睡眠行先。

佢哋初頭會有好多意見，到而家都開始明白。

多謝你呀！」