點解滿月時戒咗夜奶瞓天光，突然要食返，仲要一晚醒幾次？

有媽咪問：

BB而家6個月，滿月嘅時候戒咗夜奶，每晚11點瞓到第二朝8／9點，當時仲好開心，但係由4個月開始到而家，每一晚都起碼醒三四次，但係又唔係要飲奶，淨係喺到喊，一個禮拜前學識咗自己坐，而家晚晚醒幾次就係度坐... 瞓返低佢但又陣返起身要坐，有時玩兩個鐘，奶睡先肯瞓，搞到我完全唔夠瞓。我都知會有睡眠倒退期，但係已經差唔多兩個月

答：呢個其實係好常見嘅情況。

對於戒夜奶，其實坊間有好多誤解，好多人以為大人唔駛半夜起身餵奶就叫戒咗夜奶，於是成日11-12點至畀BB瞓夜覺，跟住佢6-7點起身就當一覺瞓天光。

但其實BB夜晚唔可以瞓得6-8個鐘咁少，如果要求BB跟大人作息咁夜瞓，就會慢慢積累 睡眠債 ...

去到4個月睡眠倒退期，BB睡眠模式改變，唔再好似初生時期咁，好易就瞓得著同瞓得長。

由於積累咗好多睡眠債，於是就開始 頻繁夜醒 嘅問題...

另一個常見嘅錯誤做法，係未有按照BB嘅睡眠需要去安排作息。

次次都等到BB打晒喊露至畀佢瞓，攰得滯結果爆喊，要搖抱甚至餵奶至安撫得到，養成奶睡嘅習慣，於是BB半夜醒咗，自然都要奶睡至瞓得返...

呢個情況已經 唔係睡眠倒退期咁簡單，而係一路會繼續落去嘅 長期睡眠問題。

乜都唔做嘅話，睡眠問題好可能會纏繞多幾年，甚至去到6歲

所以，非常極度建議趁6個月仲細，立即調整返好作息時間，同埋停止奶睡，夜醒情況就會有改善

0-3歲嬰幼兒嘅睡眠需要概覽，即刻save低啦！

另外，為咗推廣 健康睡眠，我亦整咗一個免費工作坊，以及入門課程，歡迎去網站睇睇㗎

唔想錯過正向睡眠及教養文章分享，立即加入whatsapp群組啦！