個案分享 - Nicky Gwen 尊重bb

個案分享

尊重同理解小朋友好重要

唔係單純令佢瞓覺就算

BB：Gwen（諮詢時6個月大）

「睡眠問題：小睡過短、入睡困難、早醒夜醒」

Gwen係一個好幸運嘅BB，媽媽Nicky同爸爸Eddie都好積極去解決佢嘅睡眠問題，願意作出配合，甚至連我叫佢哋較鬧鐘半夜起身都照做冇怨言

咁係因為，佢哋明白到，喺育兒路上，尊重同瞭解小朋友非常重要。而想Gwen瞓得好，就必須細心觀察Gwen嘅情況，並將佢嘅睡眠需要放喺高啲嘅位置。

當囝囝囡囡瞓得好，一家人至能夠有覺好瞓。睡眠充足，心情自然靚啲，BB好湊啲，媽媽爸爸亦可以輕鬆啲

☆☆☆

節錄幾句Nicky媽媽嘅留言：

「大家都會呻BB一晚醒幾次呀、瞓一瞓就醒呀、要氹佢好耐先瞓呀 等等等等。但好多人都無進一步了解點樣幫到個小朋友瞓好d，同時其實幫到自己，一齊有覺好瞓...

... 其實搵Catherine之前我有搵過另外一個consultant, 失敗收場。不過，我信係解決到嘅！好彩俾我見到Catherine嘅facebook page，睇左佢寫嘅資訊後，我覺得佢好有道理。從中我學到好多睡眠知識，有科學根據嘅，亦都了解到更多應該點樣同小朋友相處之道，因為Catherine行RIE育兒法，理念貫徹左喺佢sleep train 嘅個套方法度，倒如尊重、理解小朋友。我學到嘅唔係單純地令佢瞓覺就算

由於有好多對睡眠嘅誤解或者未必知道其重要性，好多身邊嘅人唔明白自己嘅堅持。但唔緊要，各位媽媽共勉之」

即刻click圖片睇Nicky媽媽嘅分享啦！