個案分享 - Katherien

個案分享

唔好低估BB嘅能力

夜醒自己執奶咀瞓返

BB：Katherien（諮詢時9個月）

睡眠問題：一晚夜醒約 4-5次， 需依賴奶咀及被抱住坐在床上搖

Qill媽媽最初搵我嘅時候，Katherien BB只得5個月大，所以我叫佢等多幾個星期，BB滿6個月大至再搵我，結果我等咗佢幾個月

伸延閱讀：

《5個睡眠訓練失敗的原因》http://bit.ly/2Xwsfge

P.S. 而家唔駛等嘞，有網上工作坊，可以即刻上堂，詳情 https://bit.ly/2XZTeiA

中途其實Katherien嘅情況有改善過，Qill媽媽仲諗住大大吓就好。（你都係咁諗？又唔可以話錯嘅，但點解而家可以解決嘅問題，要拖幾年，死頂幾年呢？）

夜晚瞓得唔好成日醒，除咗係疲勞過度之外，跌奶咀亦係其中一個主要原因。

（呢度先提提一樣嘢 -- 冇人，係冇人，無論BB定大人，可以一覺瞓到天光，郁都唔郁，完全冇醒過嘅。只要你能夠即刻瞓得返，咁你唔記得咯，就好似瞓天光冇醒過咁囉！）

講返奶咀，依賴奶咀入睡嘅BB，當半夜醒咗發現跌奶咀冇得啜，就唔能夠瞓得返，唯有大喊求救。所以，想囝囝囡囡瞓得好，一係就幫佢戒奶咀，一係就畀佢知道佢可以自己執奶咀。

Qill媽媽選擇畀Katherien自己執奶咀，經過練習後，佢已經能夠自己攪得掂，唔駛再依賴媽咪幫佢執奶咀，最後一家人都能夠有覺好瞓

你囝囝囡囡都有跌奶咀醒嘅問題？即刻留言「奶咀」，我會PM你傾傾。

以下呢句，我覺得真係一矢中的！

「很多父母都會輕視初生嬰兒的能力，卻對幼兒有過度的期望。」

~Martha Farrell Erickson & Karen Kurz-Riemer, "Infants, Toddlers, and Families: A Framework for Support and Intervention"