雙職父母vs健康睡眠

香港家庭其中一個好獨有嘅問題，就係工時長，而且父母都要返工，唯有將BB交畀長輩或工人姐姐照顧

對睡眠嚟講，最大嘅影響肯定係就寢時間。

BB由4個月開始，一直4-5歲，夜晚都需要瞓10小時以上至足夠，有11小時會更理想。

問題係，絕大部份BB嘅生理時鐘都係偏早嘅。

如果你BB係6點幾醒咗，再食奶瞓返，唔係因為佢可以遲啲醒，或者仍然需要夜奶。

其實純粹係夜晚未瞓得足夠，但生理時鐘令佢同太陽一齊起身，然後又再攰到即刻暈咗..

咁樣並非健康嘅睡眠習慣呀

更唔理想嘅情況，係BB要跟媽咪爹哋一齊起身，然後夜晚又要等大人放工返嚟食埋飯至瞓，結果夜晚淨係瞓得8-9個鐘，長期積累睡眠債...

夜間睡眠時數不足，加上質素差，對BB嘅身心發展都有好大影響。

最明顯嘅係唔夠瞓心情差，成日要痴住大人尋求安撫，郁啲就會大喊唔停，或者小朋友成日發脾氣唔合作等情況...

無論日頭瞓幾多，就算星期六日可以瞓晏啲，其實都補唔返㗎...

你知道嗎？

有啲小朋友好活躍，成日跑嚟跑去大叫大笑，又好似唔駛瞓咁樣，其實佢哋身體係長期依賴cortisol呢種荷爾蒙去運作，越攰就越精神...

到底，父母都要返工嘅話，BB係咪就要夜瞓，係咪唔能夠得到健康睡眠呢？

當然唔係啦！

點樣平衡大人同BB嘅需要，係我建議作息時間時好重要嘅一點。

媽咪爹哋放工返到屋企，希望有時間同BB相處，培養親子關係，係絕對值得重視嘅需要。

但同時，BB瞓得足夠瞓得好，亦係top priority，否則半夜不斷醒，大人第二日又要返工，點頂得順呢？

通常呢啲情況，我都係喺做電話諮詢時，視乎每個家庭嘅情況提供唔同嘅建議。

歡迎pm專頁搵我傾傾 😉

☆☆☆

嬰幼兒睡眠顧問 Catherine

全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽

網上課程 / 電話諮詢 / 免費資源分享

安全睡眠ABC