BB啱啱5個月，早幾個星期開始，突然半夜醒得好密，要餵奶至瞓得返。健康院姑娘叫我唔好畀BB食宵夜，但媽咪我要返工真係好攰

有媽咪問：BB啱啱5個月，早幾個星期開始，突然半夜醒得好密，抱成個鐘都瞓唔到，唯有餵奶至得... 健康院姑娘叫我唔好畀BB食宵夜，但媽咪我要返工真係好攰，點樣可以唔再晚晚喊醒，堅持要飲奶先瞓得返？

答：突然開始醒咁密，係因為BB嘅睡眠模式改變，a.k.a. 4個月睡眠倒退期，唔再好似初生嗰時咁易瞓得著同瞓得長。

對於5個月嘅BB嚟講，9點瞓其實已經太遲（雖然話香港BB普遍夜瞓），所以BB攰得滯就會不斷夜醒瞓得唔好。

尤其是BB夜醒爆喊好難安撫，係因為BB其實好攰，所以只能喊

大人半夜同樣好攰，自然只能用最直接嘅方法令BB停止喊（餵奶塞住個口）

但其實無論餵唔餵奶，都唔係解決夜醒問題嘅方法，必須由根本去解決，即係要調整返好BB嘅作息時間，咁至能夠減少夜醒次數同易啲用其他方法都瞓得返。

而想BB可以自然瞓得返唔再夜醒大喊，就需要再行多步，能夠喺清醒時床上入睡（大人可以陪住）。

我有一個免費講座，講解夜醒問題，亦有講解哭泣同安全感嘅關係，睇睇瞭解多啲啦！

唔想錯過正向睡眠及教養文章分享，立即加入whatsapp群組啦！