臨瞓前，必須要有一對一親子時間嗎？
好多媽咪爹哋都習慣，喺小朋友瞓覺前同佢一齊玩，或者睇吓書，作為親子時間。
到底，臨瞓前係咪一定要有親子時間呢？係咪陪咗佢就能夠令小朋友大個時乖啲呢？
我咁睇 -- 其實唔單止瞓覺之前，平時小朋友都需要得到我哋100%專注嘅一對一時間。呢個係心理上嘅需要，令BB/小朋友覺得自己被重視，被愛。
不過同一般睇法唔同，一對一時間其實唔需要好長，甚至幾分鐘已經足夠，而且亦唔代表一定要係你同佢玩至得。
RIE育兒法 教導我哋，任何照顧BB嘅活動，包括餵奶換片沖涼著衫，甚至剪指甲，其實都係一對一嘅親子時間，稱為want something quality time（WSQT）。
WSQT係要有目標去完成一件事，所以亦需要BB嘅合作至能夠順利完成。
一對一嘅重點，係大人必須全心全意，集中注意力喺BB/小朋友身上。
同小朋友建立咗緊密嘅親子關係，小朋友真係會合作啲，而且係即時發生，唔駛等佢大個㗎
至於臨瞓前係咪一定要有一對一時間呢？
我同孖仔，由細到大都冇喺瞓覺前刻意預留一對一時間。因為細個嗰時，同佢哋準備瞓覺前分別會做嘅活動（刷牙換片著睡衣），已經係一對一嘅WSQT。加上平時日頭，佢哋都已經得到我短暫但100%嘅關注。
例如孖仔A細個時幫佢洗手，我哋會一齊對住塊鏡搖頭擺腦咁講 hello byebye hello byebye，只係1分鐘都冇嘅時間，但我哋都好enjoy，洗完手佢就開開心心跳咗去玩...
到而家大個咗，其實都已經冇乜睡前儀式可言，最多只係幫佢哋冚被時，互咀幾啖 ，同佢哋講sweet dreams～～
當然，我好幸運，能夠親自照顧孖仔，睇住佢哋長大。對於在職媽媽嚟講，自然未能夠有足夠機會喺日頭同BB嘅互動中，滿足BB心靈上嘅需要。所以臨瞓前嘅一對一時間，至會變得特別重要。
但要注意嘅係，唔好為咗有親子時間，而延後BB/小朋友嘅就寢時間。
夜間睡眠恢復力最強，對大腦及身體發展亦非常重要。就算日頭瞓多啲，其實都補唔返夜間睡眠時數不足嘅問題㗎！
想知道點樣能夠好好喺WSQT時，得到BB嘅合作？以下呢個課程幫到你！
內容包括：
✅️ 常見育兒方式的弊端
✅️ 建立雙向溝通的竅門
✅️ 與BB建立親子關係的最佳時機
✅️ 如何獲取BB的合作
✅️ BB扭計，拒絕合作，可以點做？
👶適合對象：準父母／0-1歲BB家長及照顧者
