BB擁有足夠安全感，至能夠安心入睡
上星期一連5日，分享咗有關幫BB建立安全感嘅重點，呢個星期要變返做睡眠顧問先！
伸延閱讀：安全圈養育（Circle of Security Parenting）
上完呢個課程後，我對BB點解喊有更深一層嘅領悟，亦明白到點解有啲媽咪爹哋咁難安撫到BB。
對日後我做睡眠諮詢，解答大家嘅疑問時，有好大嘅幫助！
嬰幼兒睡眠，真係唔可以淨係諗點樣令BB識得自行入睡，同埋一覺瞓天光。
雖然呢個係絕大部分媽咪爹哋最關心嘅問題...
但亦係點解會令咁多媽咪爹哋，有咁大掙扎嘅原因。
因為當你一味去諗點樣令BB瞓覺，就會忽略咗好多周邊嘅直接與非直接問題。
講緊嘅唔單止係：間房夠唔夠黑BB夠唔夠飽日頭活動量係咪足夠等等呢啲表面問題。
講緊嘅係你同BB嘅關係、你哋嘅溝通方式、大人係咪能夠明白同follow到BB嘅真正需要、係咪喺有需要時會take charge...
呢個至係令BB能夠安心入睡嘅重點。
入睡，係一個分離時刻。
當BB擁有足夠安全感，瞓覺時自然亦更易放手，合埋眼安心入睡…
