小朋友去到歲幾兩歲都仍然瞓得唔好，仲有冇得救？

其實，任何年紀嘅睡眠問題，都有解決方法（包括大人失眠嘅情況），只不過需要用唔同嘅方法咁解。

但係，方法歸方法，網上要搵其實亦唔難，但點解總係實行唔到呢？

因為，當你單單去諗點樣令小朋友自行入睡唔駛人陪（改變行為），甚至用「訓練」嘅心態去處理，往往會忽略咗小朋友捉住媽咪唔放人嘅成因（根本問題）。

講到呢度，好多媽咪都會覺得有啲難捉摸。

最近終於有時間睇 Dr Mona Delahooke 嘅新書 Brain-Body Parenting，當中提到我哋需要幫小朋友（同自己）建立一個穩固嘅platform。

我嘅大腦叮一聲 ，終於搵到一個清晰啲嘅方法去講解嘞！

要成功做到改變，必須要我哋同小朋友嘅大腦都處於Green Pathway，一個平靜愉快嘅狀態至得。

如果小朋友已經好攰，又或者本身對瞓覺呢件事已經好抗拒，你想佢可以自己喺床碌碌下瞓著，係近乎冇可能嘅事。

因為喺你想離開時，會觸發到小朋友嘅safety alarm，大腦進入Red Pathway，一個fight/flight/flee嘅狀態，咁又點可能能夠自己安心入睡呢？

所以，希望小朋友能夠自己瞓，瞓得好，我哋必須先deposit去佢嘅Body Budget，並同時減少withdrawal，喺有足夠盈餘嘅情況下，小朋友擁有穩固嘅platform，自然更flexible，更容易去接受改變啦！

唔係好明我講緊乜嘢？去睇返之前分享Dr Mona Delahooke 嘅 masterclass summary 就會清楚好多。

想再知道深入啲，點樣幫小朋友做好事前準備，以及實際點樣執行令小朋友自行入睡嘅方法，可以參加以下90分鐘講座 。

《如何令幼兒自行入睡》

內容包括：

✅睡房準備（包括同房或分房的處理）
✅作息及用餐時間安排
✅為孩子做好心理準備
✅實際執行方式
✅夜醒處理

適合對象：1.5歲以上幼童家長及照顧者

詳情及報名，請click連結啦！

唔想錯過正向睡眠及教養文章分享，立即加入whatsapp群組啦！