點令BB肯瞓覺？其實你問錯咗問題！

「點解BB唔肯瞓？」

你係咪成日都問呢個問題呢？

You are not alone.

好多家庭受睡眠問題一直纏繞幾個月、甚至幾年...

BB細個時就成日爆喊，幾經辛苦氹完一大輪，結果瞓咗冇幾耐又醒過，不斷循環落去...

到小朋友大個啲，就成日掛住玩唔願瞓，軟硬兼施都冇用，總係要拖到好夜至斷電瞓得著...

究竟點樣做，至可以令囝囝囡囡肯乖乖哋去瞓覺呢？

可以話，其實好大機會喺你問錯咗問題！

因為你係問「點樣令到BB／小朋友肯去瞓覺」。

但係，其實未必係你囝囝囡囡唔肯瞓，而只係佢 瞓唔到！

我成日都講 —— 瞓覺冇得迫。

如果你淨係去諗點解BB／小朋友唔肯瞓覺，點解喺度搞搞震，咁曳，點解佢唔合作，咁多要求等等。

當你咁樣去諗，就會覺得係BB／小朋友有問題，你需要去要做啲嘢去改變佢，令佢聽你話，令佢受控...

呢個「控制心態」，其實只會令情況更難得到改善。

＂Kids do well when they can.＂ ~Dr. Ross Greene

睡眠都一樣，嘗試唔好去諗點解BB／小朋友咁曳唔合作，而係諗有啲乜嘢障礙，令到佢瞓唔到。

當你自己心態上轉變咗，你睇成件事嘅態度都會唔同咗。

你會有多啲耐性，起碼冇咁容易爆炸先，你嘅回應方式亦會唔同咗，可能反而冇咁易刺激到BB，減低掙扎。

跟住你再去諗有啲乜嘢可以去調整，有啲乜嘢改變可以去做。

當你自己先作出改變，至會見到BB／小朋友出現轉變。

Dolce Sleepers好強調嘅一點，係我哋自己嘅心態。

瞓覺冇得迫

瞓覺冇得迫

瞓覺冇得迫！

——好重要所以要講三次。

或者你會問，咁即係點？有冇實質例子呢？

有！甜睡寶寶網誌 有好多同心態相關嘅文章，亦有媽咪嘅親身分享。

即刻CLICK去睇睇啦！

P.S. 每年1月我都會開一場 免費工作坊，今年打算教大家搵出BB瞓唔到嘅原因。

如果你有任何相關問題，歡迎電郵至 catherine@dolcesleepers.com，或PM Dolce Sleepers正向睡眠及教養學堂搵我傾！