對唔住，我要同你講一個殘酷嘅事實...
你知唔知道，一個超級無敵錯誤嘅認知，係乜嘢呢？
就係 -- 「只要而家攪掂咗個睡眠問題，就可以一勞永逸」 🙅🏻♀️🙅♂️
呢個誤解，令好多媽咪爹哋以為，只要做睡眠訓練，令囝囝囡囡能夠自行入睡，一覺瞓到天光，就能夠一天都光晒...
作為一個負責任嘅睡顧問，我會好老實咁同你講 -- 唔好諗住搵人幫手同BB做睡眠訓練，就可以攪掂，然後乜都唔駛再理 😓
睡眠發展並非直線咁上嘅，所以情況會有上有落好正常...
轉覺、睡眠倒退、BB識得翻身/坐/企/行、成為哥哥姐姐、開始返學、戒片...
隨手都可諗到好多會對睡眠造成影響嘅原因（仲有出牙、病、過節、去旅行等...）
所以，我一直好強調嘅一點，就係希望幫到大家成為你囝囝囡囡嘅睡眠專家，學識點樣視乎情況，去作出適當嘅調整，幫你囝囝囡囡盡快從上軌道。
要順利渡過過度期，就必須要預先知道可能會發生嘅事，預先諗定會點樣處理，咁就唔怕到時會不知所措，做咗之後會後悔嘅決定...
最常見嘅，就係本來BB能夠自己喺床仔碌碌吓瞓著，但當佢識得企時，唔肯再瞓低，無可奈何之下變成咗抱睡，從此一晚醒幾次爆喊，又抱又搖至瞓得返 😭
又或者，太早轉1覺，BB根本未支撐到咁長嘅清醒時間，雖然開頭好似瞓得到，但當睡眠債開累積，睡眠問題亦隨之（再次）出現...
另外，小朋友越嚟越大個，心理因素亦會對睡眠造成好大影響，未能作出恰當回應嘅話，只會令小朋友更加抗拒瞓覺，大人更加沮喪 😫
當然，有時未必咁容易搵出問題成因，就算知道亦未必咁易諗到解決方法...
Natalie媽媽就曾經搵我做過2次電話諮詢，知道正確方向，再定下全盤計劃，就成功一次又一次解決佢囡囡嘅睡眠問題嘞 😉
今集0至3歲寶寶podcast，我邀請咗佢同大家親身分享，當中嘅經歷同心得。
“一定要喺你預定嘅時間之前，已經編排好同講好，如果唔係中間打斷咗個計劃，自己嘅心情就會好煩躁。”
— Natalie媽媽
或者可以喺Apple Podcast, Shopify 同Youtube 收聽
如果你同Natalie媽媽一樣，唔知點樣解決BB嘅睡眠問題，歡迎搵我做個單次電話諮詢傾傾，我會提供即時改善建議畀你，回覆呢封email就得㗎嘞！
如果你BB而家瞓得唔錯，但想做好準備，迎接即將會出現嘅挑戰，可以報讀網上課程，加入專屬Facebook群組，同其他同樣注意健康睡眠嘅媽咪爹哋，一齊互相交流及打氣！
👉「健康睡眠工作坊」（0-5個月）
👉 「睡眠調整全面睇」（6個月-3歲）
☆☆☆
嬰幼兒睡眠顧問 Catherine
全港首位本地嬰幼兒睡眠顧問 ‧ RIE育兒法專業課程畢業生 ‧ 孖仔媽媽
網上課程 / 電話諮詢 / 免費資源分享
安全睡眠ABC
