原來我低估左BB嘅能力

繼續講RIE育兒法與睡眠

知識同心態同等重要

好多人認為（包括好多外國嘅睡眠顧問），入睡係一項「技能」，我哋要教BB，佢至會可以自己做得到。於是，一心諗住同BB做睡眠訓練，咁至能夠一家有覺好瞓。

亦有好多媽媽會認為，做睡眠訓練即係要BB喊，唔忍心，或覺得唔應該咁做，所以寧願自己幾年冇覺好瞓，覺得犧牲自己係為人父母嘅本份。

RIE育兒法有一個觀點，同其他育兒/睡眠學派好唔同。我哋相信：

BB天生就擁有自行入睡嘅能力

我哋啲職責，係營造一個有助入睡嘅環境，以及掌握好畀BB休息嘅時機。

然後，唔好阻住佢就得

當然，你會話... 講就易，BB一放低就大喊，點自行入睡呀？

初生BB易攰易受刺激，自我安撫能力亦未發展成熟，所以需要我哋去幫吓佢好正常，我哋亦唔需要勉強。

重點係，只要協助BB自少培養良好嘅睡眠習慣，以及建立一個平靜可預測嘅生活常規，自然就能夠令BB遵循天生嘅本能，慢慢掌握到好多我哋誤以為要教至識嘅能力。

呢一點，好多參加咗「健康睡眠工作坊」嘅媽咪都可以做證㗎

例如Phoenix媽媽，佢喺囝囝3個月大嘅時候，認識到Dolce Sleepers，一步步去學習及調整做法，令囝囝只需要陪睡就得，唔駛抱到手軟，亦唔需要做人肉奶咀。

然後，當佢諗住試吓畀囝囝自行入睡。成件事完全 零掙扎 零淚水，根本唔需要做睡眠訓練，就已經攪掂！

你都希望可以好似呢位媽媽咁樣？

如果你BB係0-5個月大，可以參加「健康睡眠工作坊」，以培養良好睡眠習慣為目標，無須睡眠訓練都能睡得好！

而如果你BB已滿6個月或以上，Dolce Sleepers 嬰幼兒資訊專頁有大量免費文章。

想有系統啲，同埋學得深入啲，一步一步去學習何謂健康睡眠，點樣去制定一個全面嘅睡眠計劃，成為你囝囝囡囡嘅睡眠專家，就可以報讀「睡眠調整全面睇」網上課程，我會一直support你直到你囝囝囡囡3歲添！