喊得多會缺乏安全感？

「想做睡眠訓練令BB識得自行入睡，係咪就一定要佢大喊呢？」

我好明白媽咪問呢個問題嘅原因。

我哋會覺得，要不斷留喺BB身邊，喊就即刻安撫佢，停止佢嘅淚水，令BB笑返，至能夠令BB有足夠嘅「安全感」。

我哋好驚，如果BB喊而我哋冇回應佢，會令佢好驚，甚至會嬲咗我哋

其實，唔係話一見BB喊，就即刻抱起安撫佢錫返，就能夠令BB得到「安全感」㗎！

有好幾個研究都指出，就算係自行入睡嘅BB（喺外國好多時等如BB自己一間房），佢哋同需要奶睡抱睡或陪睡嘅BB一樣，同媽咪都能夠建立緊密穩固嘅安全依附關係（secure attachment）。

研究人員發現，能否建立安全依附關係，並非取決於媽咪對BB夜醒大喊，回應得有幾快同幾密。

兩者嘅分別在於，能同BB建立安全依附關係嘅媽咪，當佢哋回應BB時，對BB嘅情緒同需要比較敏感，而且回應方式亦能夠保持一致。

呢類媽咪唔單止希望令BB知道，媽咪好錫佢會照顧佢。

更重要嘅係，令BB明白到，媽咪會願意用心去聆聽BB想表達嘅意思，從而作出恰當嘅回應，滿足BB嘅真正需要（即係並非抱住唔喊咁表面嘅處理方式）。

同媽咪建立咗安全依附關係嘅BB，佢哋會更有自信，勇於離開媽咪去探索同學習新事物。

因為佢哋明白到，當有需要時，佢哋可以隨時返去搵媽咪，媽咪係佢可信賴嘅後盾。

所以，我成日都話，當你希望改變BB而家嘅入睡方式，用邊種方法唔係最重要嘅問題，重點係要瞭解BB當時嘅情況而作出恰當回應，同埋保持一致。

咁樣，你至能夠畀到清晰嘅訊息BB，令佢能夠建立到健康嘅依附關係。

想知道更多有關點樣改變BB入睡方式，又同時令BB能夠安心入睡嘅秘訣，。

「睡眠調整全面睇」並非一套教你點樣做睡眠訓練，令BB能夠立即自行入睡嘅課程。

課程目標，其實係訓練媽咪爹哋，去學識點樣瞭解BB嘅真正需要，從而作出恰當回應，並且抱持住正面嘅心態，輕鬆處理唔同嘅情況，令你BB成為「甜睡寶實」。

配合RIE育兒法「尊重與信任」嘅理念，我會幫你同BB有覺好瞓之餘，亦令親子關係更緊密融洽。

課程詳情：https://www.dolcesleepers.com/courses/sleep-shaping

*研究資料來源：Alice Callahan, PhD, "The Science of Mom" 作者