BB眼瞓，但未夠鐘餵奶，點算好?
最近收到幾個有關睡前奶嘅
情況一：
「BB夜晚訓覺前唔飲奶唔肯訓，但有時因為未夠鐘飲奶，佢又要訓，結果拖到過晒清醒時間...」
情況二：
「因為未夠鐘餵奶，所以氹BB瞓咗先，然後再dream feed...」
我發現，原來好多媽咪爹哋原來對於幾時餵睡前奶冇乜概念。
之前曾經同大家講過，餵奶時間唔需要定實每隔4個鐘一次，應該以睡眠時間為重，喺瞓前醒後餵奶。
所以，千祈唔好見未夠鐘，就唔餵奶直接氹BB瞓; 或者要等到夠鐘，餵完奶至氹佢瞓呀！
1歲前因為奶係主要營養來源，尤其是如果BB晚餐未係食好多嘢嘅話，所以一定要畀，一般喺目標入睡時間30-45分鐘之前。
但要注意嘅係，BB食唔晒就由得佢，唔好勉強要佢食，攪到拖遲晒就寢時間呀！
請相信，BB天生就係一部卡路里計算器，佢知道自己要食幾多奶㗎！但如果成日被迫食奶（無論係被強塞枝奶入口、被un住un住餵，甚至用分散注意力嘅方式），BB會對枝奶形成負面關聯，攪到厭奶...
《厭奶系列》文章請見留言
睡前奶一般係最後停嘅一次奶，好多小朋友都會食到2歲至停（1歲後可以轉用飲管樽）。
想知道應該點樣安排睡眠時間同餵奶時間？
「睡眠調整全面睇」 網上課程有講解
