每晚定時定候瞓, 可能會導致夜醒早醒！
Written By 正向睡眠顧問 Catherine
2020年年頭，我開過一個網上講座。
之後有媽咪同我講，只係提早咗1個鐘落床瞓覺，佢囝囝就由一晚醒5-6次，變成只係醒1-2次
係呀，好多小朋友出現睡眠問題，主要原因就係夜晚太遲瞓覺，攰得滯所以瞓得唔好。
2歲前，就寢時間應該喺6:30-8點之間。3歲前都最遲9點就好。
咁問題嚟嘞，係咪只要定咗晚晚8點瞓，就可以瞓得好唔會再夜晚驚醒大喊呢？
唔係囉...
想囝囝囡囡瞓得好，必須避免佢哋出現疲勞過度嘅情況。
而單憑睇佢哋有冇捽眼打喊露，並唔足夠，甚至往往已經太遲
所以，瞭解你囝囝囡囡嘅生理時鐘，以及注意合適嘅清醒時間，非常重要！
生理時鐘，就係每晚到時到候，BB/小朋友會開始攰有睡意嘅時間（食晚飯時開始扭計，即係佢其實已經見攰要瞓嘞！）
而清醒時間嘅意思，係指由BB/小朋友瞓醒開眼，去到合埋眼瞓著嘅時間。
要改善夜醒，就寢時間要能夠配合生理時鐘，而且同最後一次小睡之間有恰當嘅距離。
所以，唔係話定實晚晚同一個時間瞓，就一定會瞓得好㗎！
咁究竟即係要幾點瞓呢？
《5個貼士令孩子一覺睡到天光》小冊子有講解，即刻去Dolce Sleepers網站免費下載啦 !
Featured
